احبه......

ياناس أحبه وهو مو مصدقني كل ما أقول اني أحبه يكذبني
مدري غرور والا يبي يعذبني مايدري اني عايش بس عشانه
والله اني أتعب لو شفته قبالـي
يتلخبط كلامي وأنسى حالـي
أنا وروح روحي وقلبي فداله لو يبي بعد أكثر قولو له جاله
يامرني أمر بس أكون في باله قولوا له يصدقني تكفون أمانه
أحبه وليته يصدق كل كلامـي
أحبه وليته يحس شوي بآلامـي
ياناس قولوا له بحالي تكفون قولوا له اني ميت فيه بجنون
قولوا له كفايه شك وظنون عهدٍ علي أحبه بدون خيانه

************************************

أحـبـه مـوت يـانـاس و زياده
أحـبـه مـوت يـانـاس كالعاده
ان شفته أقول بشوق هلابه واذا غاب أشكي من غيابه
أحبه موت وماأقوى عذابه أحبه وأموت بحبه وأحيابه
والله اني أحبه موت يـانـاس
أحبه موت قولوا له يـانـاس
حلو والأحلى احساسه ما في مثله بين أجناسه
يعجبني فيه حَرّ أنفاسه والله أحبه موت ياناس
اذا حكى أناظر بعيونه واذا بكى أمسح دموعه
واذا غاب أضيع بدونه وأحس اني أحبه ياناس
ياليته بس يعبر عن حبه والا يقـول اللي بقلبه
أبيه يقولها ويلقاني بقربه أحبك يقولهـالي ياناس
لما يقولها يذوبني بجماله عمـري وروحي حلاله
وكل اللي عندي فداله بس يقول أحبك ياناس
ياليت يحس بحبي واللي يجرالـي
أحبه موت ياناس و هو فبالـي
ياليت بس يقولها ويغير حالـي
يسألوني الناس و يقولون كيف الحـال
أجاوب باحساس أحبه وماشي الحـال
أفكر فيه وبحبه وكل يوم على هالحـال
ايش سوى فيني الله يهديـه
أحبه موت وبس أفكر فيـه
حبه لذيذ يازينه ربي يخليـه
أحبه موت الين مايحبني مثل ما أحبه
أحبه موت الين مايزيد حبي في قلبه
أحبه موت وما أبي أكون الا بقربه

*******************************

حاسس بحبك و أدري بغلاي أنت مو مقصر في شي معاي
أدري ما تبي تعيش الا بدنياي وأدري مستحيل تعيش بلياي
ما عمرك فيوم رديت خطاي ولا عمرك زعلت من جفاي
ماأنام الا بعد ماتطلب رضاي وما أصحى الا وتقول ياهناي
ساكـن في خيالي و بذكراي ساكـن فيني وتتنفس هواي
حبك والله هو شفاي ودواي حبك في دنيتي أرضي و سماي
لوكرهتني ياويلي ويـابلواي ولو تركتني يتحطم كل مناي

*********************************

تبيني أنساك والله مـا أنسـاك أصلاً مو بكيفي غصب عنـي
وين ماتروح والله راح ألقـاك ولا تفكـر انك راح تتعبنـي
أنا فاضي بس شغلي بدنيـاك ما راح أتركك الين تعشقنـي
والله العظيم وراك يعنـي وراك حتى بالحلم بتقول لا تلحقنـي
مابنساك عسى الموت ينسـاك حطيتـك براسي و لاتسألنـي
حلفت أجيبك وأذوق هـواك وأنا اذا قلت محـدٍ يعارضنـي
أنا أعرف عـلاجـك و دواك وأعرف كيف أخليك تدلعنـي
لا تفكر بعيش لحظـة بليـاك أنت لي وأنا لك ولا تناقشنـي
لا تحلم أنساك والله ما أنسـاك حتى لو تقتلني وتجـي تقبرنـي
.. اللي يحب انسان ويهـواه ..
.. مستحيل انه فيوم ينسـاه ..
... والله ما أنساك ...

**********************************