طيف الحبيب

سرى فكري مع طيف الحبيب الي سكن بالعين..
وسافر بي على جنح الخيال وحبه العذري...
تناسيت المدامع والمــآسي والشقا والبين..
تناسيت الجروح وهمي وغمي وانا مدري..

حبيبي آسف ازعجتك ولكن آه آه آه لو تدري..
عن ايامي وتغريبي وعن ليلي وعن صبري..
صبرت اكثر من اللازم وبأصبر من غلاك سنين..
صبرت وضاع عمري لا حشا ماضاع يا عــمـــري!!

مدامك ساكن أعمــاقي وتقطف من ثمرها تين..
انا كلي عمر لجلك واذا حــان الـــوعد قبــري..
حبيبي قبل أشــوفك كنت انا والليل متخاويين!!
يجي صدفه وصدفه ينقضي مابحت له سري..

يطول الليل بغيابك وتقدر تسأل السارين..
لمحتك صدفه بوقت الجفاف ودمعة المسكين..
وجيت مثل مانت وابتسمت وخالطك عطري..

وحسيت السحايب في خفوقي تمطرك حرفين..
تعبر عن مشاعرها بعشق ذاب في صدري..
أحــبك ياجنون العاشق اللي لو معه قلبين..
عطاك قلبه ودمعه ودمه وأسأل شعري..

انا وياك في هيكل بني آدم معه روحـين..
تربعنا على عرش الغرام وليله السحري..