ودتنى لفين

بسم الله الرحمن الرحيم

... ودتني لفين..؟؟

سلمتك قلبي واديتك من عمري سنين

شبكت ايديا وعديتك من بحر حزين

وآلاقيك في الآخر تغدربي وتبيعني اوام

والله ياريتني ما هويتك

وكنت أمين

قلبي اللي لقيتك يوم جنبه قسيته عليك

قلبي اللي اختارك ايه ذنبه ترميه بإيديك

خلتني أحس أني بحبك ضيعت كتير

وندمت علي حبي لقلبك من غير تفكير

وندمت إني يوم حبيتك

من بين ملايين

أنا لما هويتك كان أملي تشعر بي

وتضحي بحبك علشاني بس شويه

تنده علي الحب وتناديني وتفضل علي طول

تشرب م الحب وتسقيني ومن غير ما تقول

لكن ياخساره اما ناديتك

ما سمعتش مين

أنا لما أخترت أني أكونلك إخترت حنان

حسيت إني بحبي هدلك علي بر أمان

لكن أحلامك بتاخدني علي دنيا الخوف

بتموت أحلامي في حضني بص أنت وشوف

أنا لما للحب هديتك

ودتني لفين...؟؟؟ّّّ

شكرااااااااااااا ليكى وتسلم ايديكى على الشعر الجميل وداااااااااائما ياااااااااارب تكونى مميزة كما أنتى

ربنا يخليكى يارب وشكرا قوى على زوقك