قصه الي كل فتاه

اشكرك بعنف علي القصه الجميله دي ومستنين باااااقي الحلقااااات علي ناااااااااااار بجد مش متخيله ايه اللي ممكن يحصل بعدين بس ياااااااخساره مني بتضيع بس يارب تتصلح الامر وترجع مني لعقلهاااا اللهم اجعله خيررررررا بجد شكراااااااا ليك علي القصه تجنن هاااااستني باااااااقي الحلقات

NOR كتب:: وقفت ليه وقفت ليه
ليه كده بس

بجد يا روميو القصة جميلة قوي قوي قوي
تسلم ايدك وف انتظار باقي الحلقااااااااات

وبالتوفيق يا كينج

يا نور انا كل يوم بنزل حلقتين
يعني ماوقفتش ولا حاجه
وميرسي ليكي علي مرورك وردك
ودايما منوره مواضيعي بردودك الجميله

MERO&R كتب:: اشكرك بعنف علي القصه الجميله دي ومستنين باااااقي الحلقااااات علي ناااااااااااار بجد مش متخيله ايه اللي ممكن يحصل بعدين بس ياااااااخساره مني بتضيع بس يارب تتصلح الامر وترجع مني لعقلهاااا اللهم اجعله خيررررررا بجد شكراااااااا ليك علي القصه تجنن هاااااستني باااااااقي الحلقات

شكرا مرمر علي مرورك
وردودك بتسعدني قوي
وانتظري باقي الحلقات

السلام عليكم يا حضرة المدير هتفل تشوق فينا لغاية امتى على نهاية القصة دى اللى مش باينلها نهاية بس بجد مرسى على مجهودك الرائع وربنا يكرمك ان شاء الله.

الفقيرة الى الله كتب:: السلام عليكم يا حضرة المدير هتفل تشوق فينا لغاية امتى على نهاية القصة دى اللى مش باينلها نهاية بس بجد مرسى على مجهودك الرائع وربنا يكرمك ان شاء الله.

مش تشويق والله
بس هي القصه كده
طوووووووويله
وعموما نهايتها قربت

الحلقه التاسعه عشر

دب الخوف في قلب منى من كلام سارة , من الصادق ياترى؟, وشعرت ببعض الشك في شيرين , بينما لم يطاوعها قلبها للشك في احمد , فحاولت عدم التفكير بالامر , وكأن شيئا لم يكن , وعادت للتخدير الذي يقوم به احمد عليها, ومكالماته التليفونية التى بدأت تطول وتطول, وقد تصبح اكثر من مرة في اليوم , بسبب وبدون, وقد يتصل فقط ليخبرها بما فعله طوال اليوم .
اما احمد, فكانت خطتة تمشي على اتم وجة, هاهو ذا وصل الي منتصف الطريق , بدأ يتعرف على منى اكثر واكثر , فهو يحادثها يوميا , ولا يمل الحديث ابدا, فقد وجد طريقة لاستدراجها في الحديث عن نفسها, كان يتحدث عن نفسه , وعما يفعله , وكأنه يعطيها تقريرا يوميا , فما كان منها الا ان تجيب ببعض ما فعلته, او تتحدث عن نفسها او اخوتها, وهو يخزن هذه المعلومات في رأسه, فقد كان هذه هو المطلوب , وبدأت منى الغامضة تنكشف امامه , وبدأ يشعر رويدا رويدا, بمدى سذاجة الفتاة وحسن تربيتها, وحدث هذا حين دخل مؤمن عليها ذات مرة وهي تتكلم فاغلقت الهاتف , وبعد ذهابه عاد احمد يتصل.
احمد: ايه يا بنتي, الخط قطع؟
منى: لا ,دا مؤمن دخل الاوضة فقفلت.
احمد: وايه يعني؟.
منى: يا سلام ,ولما يسألنى بتكلمي مين اقوله ايه؟.
احمد:قوليله واحد زميلي في الكلية.
منى: وانا بكلم واحد زميلي في التليفون ليه؟.
احمد: قوليله اي حاجة , بسأله عن حاجة , او اي حاجة تانية.
منى: انت عايزني اكذب عليه؟.
أ*امال انتي الي عملتيه دا كان ايه يا فالحة
احمد: طيب قوليله الحقيقة.
منى: انت اتجننت , انت عايزني اقوله ...........
م* صحيح يامنى , هتقوليله بكلمه ليه, بكلمه بالساعات وكل يوم ليه
وهو ماله , انتي مبتعمليش حاجة غلط
ولما هو مش غلط انا خفت وقفلت ليه
ولما هو غلط بتعملي ايه ع التليفون لسه
احمد:ايه يا موني سكتى ليه؟.

منى: لا مفيش سيبك انت من الموضوع دا.
احمد: بس انا عايز اتكلم في الموضوع دا.
منى:........................
احمد: انا بصراحة كنت عايز اتكلم في الموضوع بقالي مدة بس كنت مستني وقت مناسب, وانا خايف افضل استني الوقت المناسب وميجيش.
منى:موضوع ايه؟.
احمد: منى, بصراحة , انا كان الاول مش في دماغي , بس من فترة كدة , انا بدأت اخاف غلى نفسي ,انا عمري ماكنت كدة,وكنت خايف ان اليومدا ييجي وعرفش اتكلم.
منى: احمد, انا مش فاهمة حاجة.
م*ربنا يستر
أ*اهو عشان احمد دي انا مش هرحمك
احمد: منى , انا كنت فاكر في الاول اني متهيألي , بس بقالي مدة متأكد.
منى: فيه ايه؟
احمد: منى انا مشدود ليكي اوي, انا اول ما حسيت بكده حاولت ابعد ,لوتفتكري فيه فترة مكنتش بكلمك فيها, بس مقدرتش لقيتني بدل ما بكلمك في اليوم مرة بكلمك اكتر من مرة, ولقتني بحب اشوفك,وعايز اقرب منك, صدقيني انا مش كده, ومكانش دا قصدي انه يحصل, بس مش بايدي, انا كنت خايف اقولك لا تصديني وساعتها مش عارف هعمل ايه, بس انتي كان لازم تعرفي, انا بقولك ومش مستني منك رد, منى انا بجد معجب بيكي, وانتي فعلا غيركل البنات الي عرفتهم ,مش كلام افلام زي مابيقولو, انا عمري ما استريحت لحد زي ما استريحتلك , انا عارف انك اكيد ياما سمعتى الكلام دا ,ويعني.........منى.... انا مش عارف اقولك ايه بصراحة, انا عمري ماكنت مرتبك قدام بنت كدة بس انا والله عمري ما حسيت ناحية بنت زي ما انا حاسس ناحيتك.
أ* هووووف..... انتي لو حجر بقي برده متقدريش ع الكلمتين دول
م*آ.......آآآآآ...آ
منى:................................................. ..................
احمد:انا عارف اني اتعديت حدودي , بس دا الي انا حسيته وكان لازم اقوله, لو مش عايزة تردي براحتك, انا مكنتش منتظر منك رد اصلا , انا ...........,انا بجد مش عارف اقول ايه, انا يامنى بجد مكانش نفسي ان دا يحصل, وانا اسف اذا كنت ضايقتك, وانا بجد مرتبك , فاعذريني, انا جازفت وكشفتلك نفسي ومشاعري , بس انا مش قادر اخبي عليكي , واكلمك عادي , كأن مفيش حاجة في قلبي ليكي, وبعدين انتي قريبة منى اوي, متفتكريش ان كان سهل عليا اني افاتحك في الموضوع .
منى: ...............
أ*انتي اتخرستي ليه
م* انا.... يعني.....
احمد:بصي يا مني انا مقدر موقفك وانا مش هضايقك اكتر من كده, انا هقفل , ولما تقدري تردي عليا , معرفش بقي.... ابقي اكلمك او تكلميني بس انا دلوقتى هقفل واسيبك تفكري , لان واضح اني احرجت نفسي واحرجتك معايا.
أ*انطقي بقي يا بت,انا هقفل بجد, ربنا يهديكي
منى:...................
م*ياسلام ,انت تعملها وتجري
احمد: انا هقفل؟؟؟.
منى:سلام يا احمد.
أ*سلام ايه انتي صدقتى
احمد: باي يا منى

الحلقه العشرين

أ* انت ليه اتسرعت, مكانش المفروض تنطق دلوقتى خاااااااالص
اعمل ايه بقي الي حصل
اديك اتدبست والبت ما نطقتش,وممكن الموضوع كله يتفرقع دلوقتى, مش كنت تستنى تتأكد انها بتحبك
بتموووت فيا , ايه رأيك بقي
طب لما نشوف
.............................
...................
تفتكر هي هتعمل ايه دلوقتى
انا عارف في المصيبة الي انت هببتها دي
بس انا كنت بتكلم بجد , انا نص الكلام الي قلته حقيقة مش كده برضه
والله يا حبيبي انت ادرى بنفسك , انت هتقع لي فيها وتيجي تستنجد بيا؟
انا موقعتش فيها بس هي عاجباني بجد
طيب بص انت تكمل عليها النهاردة متسبهاش عشان تبقى ضربت على الحديد وهو سخن
ماشي, باليل ابعتلها الرسالة, قشطة كده يا كبير؟
قشطة يا ايمو
****************
م* يانهار ابيض ....وابيض ليه دا اسود
ايه ايه ,مالك كده عاملة مناحة, مش تحمدي ربنا
على ايه؟,انا مش فاهمة حاجة
انتي هتستعبطي , الواد وطلع معجب بيكي زي مانتي معجبة بيه ,ايه الي حصل بقي , دلوقتى لما اعترفلك بقي كخة, كان عاجبك بس وهو تقلان عليكي
لا طبعا, بس هو .....مش عارف ينقي الوقت, حد يخبط حد بالكلام كدة, وعامل زي الراديو معرفتش ارد عليه
مش انتي الي عملتي فيها خرسا, الواد قعد يكلمك وانتي ساكته
كنت هقوله ايه يعني, وانا والله كمان دايبة فيك تعالي نتجوز
لا, بس كنتي متبانيش هبلة اول مرة تسمعي كلام حلو
طيب ما هو مكانش اول مرة اسمع كلام حلو
امال اتغابيتي ليه؟
اهو الي حصل بقي, المهم دلوقتى هنعمل ايه؟
انا مالي, شوفي انتي عايزة ايه
مش عايزة حاجة
ياسلام, تبقي هتموتي على الولد واول ما يقولك كلمة حلوة تقولي ,معلش مش عايزة حاجة
اعمل ايه انا طيب
تحضري كلمتين تردي عليه بيهم ,لانه هيفتح الموضوع دلوقتى او بعدين
اقوله انسي يا احمد احنا اصحاب صح؟
يا سلام هيقوم احمد ينسي وترجعو اصحاب تاني
ايوة
يا حلاوتك, اولا كدة,بعد الي حصل دا مبقاش ممكن ترجعو اصحاب اصلا, ثانيا لو رفضتيه ممكن متشوفيهوش تاني خالص
ياخبر ابيض
امال انتي فاكرة ايه, ثالثا لو قلتيله مع السلامة ممكن يتكلم عليكي ويقول كانت بتكلمني بالساعات على التليفون وهو عنده حق
كنا بنتكلم عادي , احنا عمرنا ما اتكلمنا في حاجة خارجة
انتي هتضحكي عليا ولاعلى نفسك, هو فيه اصحاب بيتكلمو في التليفون بالساعات
مش كان في الاول عادي ردي ردي, دلوقتى الكلام اتغير؟؟
ياحبيبتي انتي كنتي فاهمة من الاول بس كنتي عاملة مستهبلة,انا كنت بنصح وانتي الي بتعملي الي انت عايزاه, انتي الي كنتي عايزاه يقولك كدة
انا؟؟؟؟؟
لا ,انا؟؟؟, طبعا كنتي عايزاه وكنتي بتشجعيه , واهو الي انتي عايزاة حصل , شوفي بقي هتردي تقولي ايه, ومتطلبيش منى اطلعك من المشكلة
انا عايزة نفضل اصحاب وميفتحش الموضوع تاني
لو شايفة انه ممكن جربي
يااااااربي اعمل ايه, انا محتارة اوي
وفرحانة اوي
نعم؟؟؟
ايوة, تنكري انك فرحانة
وانا هكدب ليه, طبعا فرحانة ,بس برضة محتارة
خلاص سيبك انتي وشوفي هو هيتصرف ازاي
صح كده, اما اشوف هو هيعمل ايه ,مش يمكن يطنش على الموضوع خالص
ايوه كده
قاطع حبل افكارها صوت رسالة على الموبايل , فتحتها فاذا بها من احمد:
"بحبك"

تسلم ايدك يا روميوووووووووو
بجد قصة رووووووووووووووووووووووووووووووووووووووووووووووووووووووووووعة

وانا مستنية بقيت الحلقات و بالتوفيق دايما يارب

NOR كتب:: تسلم ايدك يا روميوووووووووو
بجد قصة رووووووووووووووووووووووووووووووووووووووووووووووووووووووووووعة

وانا مستنية بقيت الحلقات و بالتوفيق دايما يارب

شكر يا نور علي مرورك وردك
وعايزكم تتناقشوا في حلقات القصه
وتتوقعوا ايه اللي ممكن يحصل

شكرا

تسلم ايدك يا روميو بجد قصة جميلة جدااااااااااااااااااااااااااا

cheers

بجد تسلم ايدك ياروميووووووو يااحلي مدير في الدنيا القصه تجنن بس انت زي كل مره تجيب الجزء المهم وتخلص الحلقه وونقعد نستني الحلقه الجايا علي ناااااااااار ربنا يخليك لينا ياااارب وميحرمنااااش منك ولا من ابداعاااااااااتك وعجبني قوووووووووووي اسلوبك الجميل ونظامك في ترتيب القصه تسلم ايدك وفي انتظاااااااار باقي الحلقاااااااااااااااات

قصه الي كل فتاه - صفحة 3 984233158

حاضر يا روميوووووووووووو
هنبتدي نناااااااقش الحلقات ان شاااااااء الله

يلاااااا يا جماعة اللي عنده رأي او توقع يقوله

انا كنت بقول لروميو ان احمد يتغير ويبيتدي يحب مني بجد ويتغير عشااااااانها لان هو معجب بيها شوووووووية لان اللي بيحب بيتغير عشان اللي بيحبه

بس روميو اعترض ع رأي وبيقول لازم تنتهي نهاية البنات تتعلم منها عشان هو عامل القصة عشان يعلم البنااااات درس ويخليهم يفكروا قبل ما يكلموا اي ولد

يلاااااااا اللي عنده رأي يقوله وروميو برضو قول رأيك انت كمان انا قولت نبذة عن رأيك كمل انت بعد اذنك

ziko كتب:: تسلم ايدك يا روميو بجد قصة جميلة جدااااااااااااااااااااااااااا

تسلمي يا زيكو ع المرور والرد الجميل

MERO&R كتب:: بجد تسلم ايدك ياروميووووووو يااحلي مدير في الدنيا القصه تجنن بس انت زي كل مره تجيب الجزء المهم وتخلص الحلقه وونقعد نستني الحلقه الجايا علي ناااااااااار ربنا يخليك لينا ياااارب وميحرمنااااش منك ولا من ابداعاااااااااتك وعجبني قوووووووووووي اسلوبك الجميل ونظامك في ترتيب القصه تسلم ايدك وفي انتظاااااااار باقي الحلقاااااااااااااااات

ربنا يخليكي يا اميره وميحرمناش منك ابدا

وانا مبسوط قوي لان القصه عجبتكم
واستنوا الحلقات اللي جايه
احسن من اللي فاتت

NOR كتب:: يلاااااا يا جماعة اللي عنده رأي او توقع يقوله

انا كنت بقول لروميو ان احمد يتغير ويبيتدي يحب مني بجد ويتغير عشااااااانها لان هو معجب بيها شوووووووية لان اللي بيحب بيتغير عشان اللي بيحبه

بس روميو اعترض ع رأي وبيقول لازم تنتهي نهاية البنات تتعلم منها عشان هو عامل القصة عشان يعلم البنااااات درس ويخليهم يفكروا قبل ما يكلموا اي ولد

يلاااااااا اللي عنده رأي يقوله وروميو برضو قول رأيك انت كمان انا قولت نبذة عن رأيك كمل انت بعد اذنك

شكرا يا نور علي رايك
بس المشكله انه احمد مش بيحب مني اصلا
ده هو واخد الموضوع تحدي مع نفسه
ومش في دماغه الحب من الاول خالص

يا روميووووووو ما يمكن قلبه يحن
الحب مش بيدق الباب قبل ما يدخل قلب الانسان ده بيقتحمه

عموما انا مستنية ع ناااااااااار بقية الحلقاااااااااااااااااااات وادينا هنعرف النهاية
وتسلم ايدك يا روووووووووووووووووميو يا جامد

الحلقه
21

سارة: ها , مفيش جديد؟
افاقت منى من شرودها وردت متسائلة.
منى: جديد في ايه؟.
سارة: ايمو؟.
ارتبكت منى لدي نطقها الاسم وقالت.
منى: لا طبعا مفيش جديد.
م*مبحبش اكدب عليكي
وعايزة تقوليلها الحقيقة عشان تزعقلك
لا , بس مش كنت محتاجة اقولها
لا مش محتاجة تقوليلها ولا حاجة, شفتى عملت فيكي ايه اخر مرة , خلتك في الاخر انتي الي تتصلي بالولد
سارة: احسن برضة يعني كل حاجة تمام؟
منى: اه تمام.
سارة: وانتي من جواكي, حاسة ناحيته بحاجة.
منى: لا , خالص .
سارة: الحمد لله, انا مش قلتلك اول ما تشيليه من دماغك هتتحل المشكلة.
منى: فعلا , ماهي المشكلة اتحلت.
م*اه ياسارة لو تعرفي
سارة:انتي مش في لجنتي صح؟.
منى: لا يا ستي انا مع ميمي.
سارة: ايه دا هو ميمي اسمه ميمي بجد؟.
منى : ايوة يا ستي بجد.
سارة : ههههههههههههه, الله يكون في عونك .
منى: وميرنا كمان, انتي معايا صح؟.
ميرنا: اه احنا في المدرجات مش كدة.
سارة: طيب اشوفكم بعد الامتحان بقي, عند الكافيتيريا , اوكاي.
ميرنا: اوكاي , يلا بينا يا منى.
**************
لم تدر منى ماالذي كتبته في الامتحان,فقد كان عقلها شاردا تماما,تفكر في احمد, تري مالذي حدث منذ ليلتها يا احمد؟؟, هل تحبني حقا؟.
خرجت قبل نهاية الوقت وقد كتبت القليل حتى ان ميرنا كادت تصرخ عليها وهي خارجة, لان الامتحان كان طويلا وصعبا ,ولكنها كتبت ما تعرفه ولم تشغل بالها بملء الورقة كما يقولون.
اتجهت للكافيتيريا تطلب قهوة, فقد احست بالصداع يكتنف رأسها بعد ليلة من مجاهدة نفسها للتفكير في احمد وليس في المذاكرة.
وكأنه أبي الا ان يظهر امامها لدي تفكيرها فيه, فما كادت تتجة للكافيتيريا حتى لمحته متوقفا هناك يرقبها بعين لا تطرف, اقشعر بدنها , هذا مالم تحسب له حساب ما الذي اتي به اليوم؟.
اقتربت منى من مكان احمد , متصنعة الهدوء والقت عليه السلام ثم شرعت في طلب قهوتها ,بينما لم يتحدث هو منتظرا اياها في صبر, حتى انتهت واخذت القهوة, وسارا ببطء ودون كلام للمقعد بجانب الكافيتيريا.
قطع احمد الصمت متسائلا.
احمد: الامتحان كان حلو؟.
اشارت منى برأسها نفيا وهي ترشف القهوة وقالت.
منى:لأ, كان طويل.
فنظر في ساعته وقال في جزع.
احمد: وانتي ايه الي خرجك دلوقتي ؟,دا لسه تلات اربع ساعة.
نظرت اليه نظرة خاوية وقالت .
منى: كتبت الي عرفته ومكانش فيا دماغ ارغي , الي يحصل يحصل بقي.
ثم عادت لقهوتها , وساد صمت قصير قطعته منى.
منى:انت ايه الي جابك النهاردة مش امتحانك بكرة؟.
نظر اليها وقال بهدوء.
احمد: مش عارفة انا جيت ليه؟.
خفق قلب منى ,واشاحت بوجهها بعيدا عنه , ولم تجبه, ثم قالت.
منى: انت عندك امتحان بكرة؟.
لم يجبها احمد انما قال.
احمد:انا جيت اطمن عليكي.
م* ردي يافالحة
احمر وجة منى ولم تستطع الاجابة, فقال احمد.
احمد:منى بصيلي انا بكلمك.
التفتت اليه على مضض.
منى:مش المفروض تروح تذاكر.
احمد: انا مش عارف اذاكر, انتي مش معقول مش حاسة بيا, يا منى احنا عدي علينا سبع ايام من اخر مرة اتكلمنا, انا منمتش فيهم, مش عارف انتي عاملة ايه ولا بتفكري في ايه, كنت هتجن, انتي عارفة انا منعت نفسي كام مرة اني اتصل بيكي تاني, ومش عارف سكوتك دا يعني ايه ؟, انتي رافضاني ولا قابلاني ولا ايه بالظبط؟.
أ*ايوة انتي رافضاني ولا لأ؟,ساكتة ليه؟؟؟
وقفت منى مشيحه بوجهها عنه.
منى: احمد , ربنا يخليك انا مش قادرة اتكلم خالص , عندي صداع ودماغي هتفرقع.
م*وكل دا بسببك فمتكملش عليا
فرد احمد متصنعا الاقتضاب.
احمد:انا فهمت خلاص, انتي بتهربي منى , انا اسف يا منى ان كنت ضايقتك, مع السلامة.
أ*متبصش وراك,ايوه هتنده عليك اهه
وسار مبتعدا منتظرا نداء منى.
م* انتي هتسبيه يمشي زعلان, انتي مجنونة , حرام عليكي دا عنده امتحانات
منى:آآ...أحمد..
أ*هو دا الكلام
فالتفت راسما تعبير الحزن على وجهه.
فارتبكت منى , ولم تتحدث , فنظر اليها في تساؤل , فلم تتكلم ولكنها نظرت اليه راجية الا يمشي وان لم تتكلم , وكان هذا يكفيه, فقال.
احمد: انا هروح اذاكر عشان عندي امتحان , بس هستني تكلميني بكرة تسألي عليا.
والتفت تاركا اياها حائرة خلفه.
*************
أ*شكلك يا منى هتتعبيني معاكي وانا الي كنت قلت خلاص , ربنا يسامحك يا شيخة
ايه انت هتسكت بعد التعب دا كله؟
اسكت مين ياراجل انا وراها وراها, دانا الوقت الي ضيعته عليها كان زماني مظبط فيه اربع بنات

الحلقه
22

ترددت منى طويلا قبل ان تقرر ان تتصل باحمد, بل لقد قضت اليومين كاملين في محاولة لاتخاذ قرار , حتى انها لم تذاكر للمادة المقبلة, وبالفعل اتصلت به.
منى: السلام عليك.
احمد: وعليكم السلام, ازيك يامنى؟.
منى:الحمد لله, عملت ايه في الامتحان؟.
أ*انا بتاع امتحانات برضه ,عيب عليكي
احمد: الحمد لله.
منى: كان كويس؟.
احمد:لا, بس حليت.
أ*قصدي غشيت
منى: الحمد لله.
وصمتت .
أ*نفسي افهم مالك مخروسة ليه؟
احمد: انا كنت مستنيكي تتكلمي طول النهار, ومكنتش عارف انام بعد الامتحان , خفت تطلبيني تلاقيني نايم .
منى: انا قلت استني باليل تكون روحت وكده.
احمد: على فكرة وحشتيني.
أ*اما اخليكي تنطقي
منى: .....................
م* وبعدين بقي
احمد: انا ضايقتك؟.
منى: احمد, انا مش عايزاك تنشغل عن المذاكرة اليومين دول , وياريت تركز, عشان انا عايزاك تنجح.
احمد: خايفة عليا؟.
م*انت بتلف تلف وترجع لنفس الموضوع
منى: انت اذا مخفتش على نفسك محدش هيخاف عليك.
احمد: ماشي ياستي , انا من هنا ورايح هخاف على نفسي عشان انتي خايفة عليا.
منى: بقولك ايه انا هقفل عشان بابا بينادي عليا, اوكاي.
م*اهو بدل مانفضل نلبخ كتير اقفل احسن
احمد: ماشي يا موني باي باي.
م*طيب ابقي سلميلي على بابا ,ههههه
واغلق احمد السماعة وقد شعر براحة , بعد ان عادت خطته للطريق الذي رسمه.
اما منى فشعرت بعدم الرغبة في المذاكرة ولا النوم ولا اي شىء,فقط شعرت بمشاعر عنيفة لاحمد,لم تستطع السيطرة عليها.
****************
بعد الامتحان الذي كان سهلا, شعرت منى برغبة شديدة في رؤية احمد, فخرجت من الامتحان مبكرا علها تجده , ولكن لسهولة الامتحان لم تخرج هذه المرة وحدها , بل خرج معها ميمي وميرنا , وقابلوا سارة وبقية اصدقائهم, ووقفوا يتحدثون ,ولم تكن الكلية شبة خالية كالمرة السابقة ,بل كانت مزدحمة فقد كان يوم الخميس, ولمحت احمد,الذي اقترب منهم يسلم عليهم ويسأل عن الامتحان فبادرته سارة قائلة.
سارة: انت ايه الي جايبك النهاردة؟, سمعت ان امتحان امبارح كان رخم.
أ*الامتحان برضه الي رخم؟؟
احمد: اه,بس انا حليت الحمد لله.
وانخرط على مضض في حديث مع حسان ولم يستطع ان ينفرد بمنى, بينما وافق هذا رغبة منى في الا يتحدثا امام الناس وسارة على الاخص, ولكن قلبها كان له رأي آخر فشعرت بالسخط لعدم قدرتها على التحدث مع احمد,فقد انسحبت سارة وميرنا من المجموعة آخذين منى معهم.
وشدت سارة على يد ميرنا وهي تقول.
سارة: ايه حكايتك بقي اليومين دول؟ ,مازن لازقلك بطريقة مش طبيعية.
ميرنا: ماتسبيه يلزق, انا خسرانه ايه.
سارة: ياسلام ياختى , وهو عايز منك ايه؟.
ميرنا: مش عايز حاجة, هو عاملي فيها مش واضح بس انا فاهمة كويس هو عايز ايه؟
سارة: يعني ايه؟.
ميرنا: بيكلمني كل يوم في التليفون , وبيقعد يرغي وكده عاملي فيها اصحاب, بس انا فاهماه وحافظة الحركات دي.
سارة:وهو فيه اصحاب بيتكلمو في التليفون بالساعات.
م*اوببباااااا
ميرنا: ماهو عشان كده انا سايباه يجيب اخرة وعاملة مستعبطة, لان زي ماقلتي مفيش اصحاب بيتكلمو في التليفون بالساعات , كلهم بيعملو كده في الاول,هو اكيد معجب بس داخل داخلة استظراف, فخليه لازق.
سارة:وانتي بقي بتتصلي بيه؟.
ميرنا: لا طبعا, مين دا الي اتصل بيه؟,الذي عايز يتكلم يا حبيبتي يتصل هو.
سارة: صحيح, هو فيه ولد هيصرف على بنت الا اذا كان عايز حاجة.
ميرنا: يصرف عليا ايه؟, انا مبيجبليش حاجة.
سارة: والتليفونات دي مش مصاريف , ولا انتي فاكرة بتكلمي السنترال الدولي, ياحبيبتى الولد ما بيعملش حاجة الا ومستني منها مقابل, مش كده يا منى؟.
منى: هه؟.
التفتت ميرنا لمنى ,وقالت.
ميرنا: البنت دي مش رومانسية خالص, بتحول الحاجات الحلوة وتخليها وحشة بطريقة غريبة عندها كل حاجه عيب و خطر.
ثم قالت لسارة.
ميرنا: عشان كده عمرك ما هتحبي.
سارة: ومين قال ان انا عايزة احب, انا مش زيك عايشة عشان احب, الحب وسيلة مش غاية في حد ذاته ,وبعدين الي بتعملوة دا مسموش حب اسمة مصاحبة ومسموش ارتباط زي مابتقولو, انا الارتباط الوحيد الي اعرفه بيبقي بالدبل, وفي الشمال كمان.
ميرنا: انتي معقدة بجد, مش كده يا موني.........,هااااي يا بنتي انتي مش معانا خالص.
م* لا دانا معاكو اوي
منى: لا انا سامعاكو.
سارة:وبعدين انا مشفتكيش حبيتي قبل كدة يا ست ميرنا.
ميرنا: ليه هو انا هبلة؟..
سارة: ايوة , انتي بتفضلي توقعي الولاد فيكي وبس اول ما الولد يقولك بحبك تسبيه, زي العيال الصغيرة تفضلي شبطانة في الحاجة لحد ما تبقي بتاعتك ساعتها ترميها.
ميرنا: مش احسن من اني انا الي احبهم وبعدين يسيبوني هما , سيبك منها يا منى اسمعي كلامي انا الولاد كلهم سكتهم البنت الي تتقل عليهم.
سارة: بقولك ايه ما تلعبليش في دماغ البنت دي مش زيك, خليها في الي هي فيه.
م*ايوة خلوني في الي انا فيه
ميرنا: عقديها معاكي عقديها.
ومسحت سارة على رأس منى وقالت.
سارة: متسمعيلهاش يابنتي دي بايظة اصلا, ربنا يهديكي انتي ويسبتك.
م*منا اتسبت خلاص من زمااااااان
ميرنا: ربنا يهديكي انتي وتفهمي ان الدنيا كلها كده وانتي وست منى بتاعتك بس الي كده.
م*اه ياني, انا مش عارفة انا صح ولا غلط , مازن بيعمل زي احمد ولا دا وضع تاني, وسارة عندها حق ولابجد متعقدة, وميرنا فاهمة صح ولا غلط, انا مش فاهمة حاجة, انا تعبانه اوي ومحتارة اوي

هاااااااااااااااااااا
القصة شعللت والموضوع بيكبر وبيحير مني
عمومااااا انا هنا ع نار مستنية الباااااااااااااااااااااااااااقي
وبجد تسلم ايد يا روميووووو القصة جميلة جداااااا

انا بقة شايفة ان القصة دى مؤلمة جدا لمشاعر اى بنت ممكن تكون حبت بالطريقة دى او شبيهة ليها.................. احمد ده شيطان فى هيئة بشر ويعنى هو شايف انه من السهل انك توهم حد بحبك وبعد كدة تسيبه لانه اكيد محسش بالوجعة اللى ممكن تتوجعها بس لو كان حسها مكانش عمل فيها كدة واكتر حاجة منى محتاجاها فى الفترة دى القرب من ربنا ويكون قلبها ملك ربها ساعتها حتنسى اى شخص وهمها بحبها

بجد القصه حلوه اوي
ومستنيه الباقي

NOR كتب:: هاااااااااااااااااااا
القصة شعللت والموضوع بيكبر وبيحير مني
عمومااااا انا هنا ع نار مستنية الباااااااااااااااااااااااااااقي
وبجد تسلم ايد يا روميووووو القصة جميلة جداااااا

ميرسي يا نونا علي اهتمامك بالقصه
ومرورك بيسعدني قوي

دمعة الماسة كتب:: انا بقة شايفة ان القصة دى مؤلمة جدا لمشاعر اى بنت ممكن تكون حبت بالطريقة دى او شبيهة ليها.................. احمد ده شيطان فى هيئة بشر ويعنى هو شايف انه من السهل انك توهم حد بحبك وبعد كدة تسيبه لانه اكيد محسش بالوجعة اللى ممكن تتوجعها بس لو كان حسها مكانش عمل فيها كدة واكتر حاجة منى محتاجاها فى الفترة دى القرب من ربنا ويكون قلبها ملك ربها ساعتها حتنسى اى شخص وهمها بحبها

شكرا دمعة الماسه علي مرورك وردك
وانا معاكي في ان مني او اللي زيها محتاجين في الوقت اللي زي ده لربنا
وشكرا مره تانيه علي رايك الجميل

» حوار فتاه مع الشيطان فى سكرات موتها
» فتاه ولدت بدون ذراعين((سبحان الله))
» حوار فتاه مع الشيطان فى سكرات موتها جامد جدا