تيتى تيتى زى ما روحتى زى ما جيتى

وطنى العزيز ... رسالة من عزيز



شارب المر ...واكل كنيس


رحلت بعيد ... رجعت بليد


صرفت المال ... بعت العيال


اسمى عزيز وعزة مفيش


اخدت الفلوس ... طلعت باسبور


اخيرا هسافر ... اخيرا هعيش


وهجمع فلوس ... وماهبقى تعيس


لفيت البلاد اشوفلى وظيفة


لكن الحال كان قشيفة


حالى ده حال عملت المحال


علشان اسافر وسبت العيال


امى مريضة ومعيش فلوس


ومفيش علاج حياتنا هزال


افتكرت فى السفر الحال تمام


اتارى العزة ضاعت تمام


ضربوا الشرف بعرض الحيطان


ومش عرض بس ده بالطول كمان


مال بى الحال بقيت شيال


شلت لواحد ابن حلال


سألتة يشوفلى وظيفة فى الحال


رد وقال كمان فى الحال ؟!


قلت انا شفت الزل كتير


مسحت اطباق غسلت غسيل


قالى بلدك اولى كتير


ارجع بلدك فيها الخير


رجعت بلادى بعد ما كان


ضيعت مالى وحالى كمان


راجع مديون عليا هموم


ومستنى فرج يقوم مـ النوم


رجعت لبيتى رجعتلى عافيتى


وقعدت اغنى تيتى تيتى
زى ما روحتى زى ما جيتى

ما شاء الله عليكى استاذة فى وصف الواقع ربنا يخليكى لينا يا فشانا

موضوع جميل قوي
وكلام اجمل
من عضوه اجمل واجمل

ما شاء الله عليكى استاذة فى وصف الواقع ربنا يخليكى لينا يا فشانا

ماشى يا ستى لولة بس انك غالية عندى وميرسى ليكى شوفتى كمان بشكرك عشان تعرفى انى طيبة وقلبى ابيض


موضوع جميل قوي
وكلام اجمل
من عضوه اجمل واجمل

ميرسى ليك قوىىىىى اخجلتم تواضعنا والله