قرار جمهورى (تعديل النشيد الوطنى)

من اخبارنا المحلية انه تم تعديل النشيد الوطنى لانه كان مش ماشى على الجيتار بتاع الريس00000000000


ده نشيد وطنى الاكبر بعد التعديل
دى اغنية وطنية جدااااااااااااااااا

..الوطن الأعور ..

وطنى حبيبى الوطن الاعور .. يوم ورا يوم يتبهدل اكتر
وانتكساته ماليه حياته .. وطنى عليه قلبى بيتحسر
وطنى عليه قلبى بيتحسر .. وطنى .. وطنى
وطنى يا سبب الحسره فقلبى .. وطنى يا وطن الغلب العربى
ياللى زمان كانت حلمك وحده .. دلوقتى بترقص عالواحده
يا وطن هيفا ونانسى ودانا .. وطنى بجد قلوبنا حزاناا
وطن الوكسه يا وطنى يا عربى ....

وطنى يا صابر على حكامك .. وطنى يا باكى على احلامك
وطن العزه بقى لامؤخذه ... وطن الديسكو ووطن الغرزه
ده شبابه حلوه وهيجااانه .. وبناته قالعه وفرحانه
وطن الوكسه يا وطنى يا عربى ..
وطنى يا لعبه فأيد امريكا .. عريان على ميلودى ومزيكا
ياللى بقيت بتبيع طعميه .. على باب الجامعه العربيه
قراراتها تهريج واونطه .. على ورقه ويترمى فالشنطه
وطن الوكسه ..يا وطنى يا عربى ..

وطنى مكسوف وانا بكتبلك .. كان نفسى اصرخ واهتفلك
الكلمه لوحدها مش كافيه .. عايزه القوه وعايزه العافيه
علشان نقدر بيها نغير .. ونثور عالأوضاع ونحرر
يمكن ترجع تانى تنور .. عين الوطن الغالى الاعور
وطنى حبيبى الوطن الاعور .. يوم ورا يوم يتبهدل اكتر
وانتكساته ماليه حياته .. وطنى عليه قلبى بيتحسر
وطنى عليه قلبى بيتحسر .. وطنى .. وطنى