شيلي صورتك يا أموره

أطلق مجموعة من الشباب حملة لإزالة صور البنات من على "الفيس بوك" للحفاظ
على الهوية العربية، وعدم استخدام الصور فى أعمال منافية لآداب المجتمع.
يقول قمر الدين مؤسس الحملة: "سبب مطالبتى بهذه الحملة ما كنت اقرأه من
تعليقات على صور البنات، فسواء كانت صورة لمحجبة أو غير محجبة هناك أولاد
بيكتبوا تعليقات تشمئز منها، وحين بحثت أكتر فى الموضوع، وجدت أن هناك من
يأخذ هذه الصور وقد يستغلها بشكل سىء ويبتذ بها البنات، لذا فكرت فى
الحملة قبل حدوث مشاكل".
ويضيف "فى البداية كلمت البنات بشكل ودى وكتير منهم تقبلوا الفكرة، وفعلا
شالوا صورهم، لأنهم مكانوش يعرفوا إن فيه تقنيات يستخدمها الأفراد لنسخ
صورهم".
أوضح قمر أن الحملة التى وصل عدد أعضائها إلى 669، موجهة بشكل خاص للبنات
التى تضيف أولاد لا تعرفهم، مؤكدا أنه استخدم اسم مستعار بعد أن قام بعض
الأفراد الذين رفضوا الفكرة بوصفى بالتخلف والرجعية"، رغم أنى خايف عليهم".
يقول حسين إبراهيم، أحد أعضاء الحملة، "اللى إحنا بقينا فيه ده وعدم الثقة
فى حد والخوف حتى من أصدقائنا، راجع للتصرفات الغلط اللى فينا ولأننا
بعدنا بجد عن ربنا".
وقالت أرجى على "الحملة مهمة جدا، لأن صور البنات انتشرت على الموقع كأنه شئ عادى، رغم إن مش كل الناس طيبة".
وتساءلت توتى على "يعنى البنت هتستفاد إيه لما تنزل صورتها على النت، رغم إنها بسببه ممكن تكون فى خطر؟".
ـــــــــــــــــــــــــ

نقلا عن اليوم السابع.

والله فعلا عندهم حق وعندك حق يا ساندرا انك تنزلى الموضوع ده انا فعلا بلاحظ ان بنات كتير بتنزل صورتها وعملاها عرض بس والله انا مقولش على اى بنت من دول اكتر من انها رخيصة قوى ومرخصة نفسها لاى شاب يدقق فى صورتها او ياخدها انا نفسى قوى ان كل اللى بيدخل على النت يستخدمه صح مش غلط وان الناس تحمد ربنا على العلم اللى ربنا عطاهولنا مش نستخدم العلم اللى وهبهولنا ربنا فى ان احنا نعصيه بيه

موضوع كويس ومعظم الشباب بيستخدم هذه الصور فى اشياء محرجة
والسبب من البنات هما اللى عاوزين كده
ودا يتعلق بالتربيه

دمعة الماسة كتب:: والله فعلا عندهم حق وعندك حق يا ساندرا انك تنزلى الموضوع ده انا فعلا بلاحظ ان بنات كتير بتنزل صورتها وعملاها عرض بس والله انا مقولش على اى بنت من دول اكتر من انها رخيصة قوى ومرخصة نفسها لاى شاب يدقق فى صورتها او ياخدها انا نفسى قوى ان كل اللى بيدخل على النت يستخدمه صح مش غلط وان الناس تحمد ربنا على العلم اللى ربنا عطاهولنا مش نستخدم العلم اللى وهبهولنا ربنا فى ان احنا نعصيه بيه

ميرسى دمعة الماسة علر المرور الكريم
وربنا يهدى المسلمين لما يحبه ويرضاه

romio كتب:: موضوع كويس ومعظم الشباب بيستخدم هذه الصور فى اشياء محرجة
والسبب من البنات هما اللى عاوزين كده
ودا يتعلق بالتربيه

اختلف معاك بعض الشئ روميو
لان اكيد فى بنات كتيـــــــر ميعرفوش او ميتخيلوش ان فى حد ممكن يستغل الصورة فى شئ مش كويس
يعنى اكيد مش البنت هى اللى عاوزة كدا
واكيد طبعا انا معاك ان التربية شئ اساسى

واكيد نورتو الموضوع

» ارسم صورتك
» كن جريئا وارنا صورتك