اصحووووووو

مش معني اني مواطنه بسيطه في جمهورية المنتدي أني اشوف المنتدي نايم واقف اتفرج..لأن أسوأ نوع من البشر هو المتفرج..فهناك المشارك والمشجع والناقد والمتفرج..والناقد علي الرغم من أنه أحيانا بينتقد من أجل النقد إلا أنه يشارك أيضا ولكن بطريقة غير مباشرة...وانا هنا جيت ناقده أو معارضه(بس مش تبع الثورة المضادة)

المهم ندخل في الموضوع:

مظاهر نوم المنتدي تتلخص في:

-قلة مشاركات الاعضاء او انعدامها
-قلة التفاعل والمشاركات من جهة الاعضاء المشرفين(ومعظمه يرجع إلي قلة عدد المشرفين)

-ليس هناك جديد في المنتدي او افكار جديدة تكسر روح التقليدية التي بدأت في المنتدي

-بعش المشاكل في ادارة المنتدي مفيش داعي للدخول في تفاصيل



العلاج من وجهة نظري المتواضعة(معلش بقي لازم اتواضع )


-ياريت اسم المنتدي يتغير لكي يعبر عن هادفية المنتدي وروحه العامة ...فـ(الامراء وبس)اسم جميل ماشي بس لا يعبر إلا عن غموض غير جذاب او كلمة غير مفهوم ارتباطها بأقسام وروح المنتدي
-مش عايزه أقول نغير الاستايل الافتراضي ولكن من باب التجديد عايزين نعمل استايل جديد

-عندي فكرة نفتح قسم للفيس بوك بس..وهيكون فيه كل حاجة متعلقة بالفيس بوك أو اي جديد في عالم الفيس بوك
-فتح الشات بوكس لكل الاعضاء هيعمل تفاعل وتنشيط شوية..وممكن نقفله بعد كده
-هناك اقسام لا حاجة لها الآن ..ومشكلتها أن اللي بيدخل المنتدي بيتوه في الاقسام الكتيرة الموجودة ومنها اقسام عدد مواضيعها بسيط جدا

-الأفضل حاليا أن نوقف خاصية المواضيع الجاهزة او التلقائية اللي في قسم النشرة الرياضية وقسم الكمبيوتر ...لأنها بتصبغ المنتدي بصبغة التقليدية وتضعف همة الاعضاء في التفاعل

-نستورد مشرفين جدد يعني هنشوف مشرف متفوق في منتدي تاني وهنقوله يجي عندنا مشرف لمدة اسبوع او شهر أو علي طول...ويعمل تنشيط للمنتدي


-نرفع صلاحيات المشرفين بزيادة الاقسام اللي مشرفين عليها او رفع صلاحياتهم إلي سوبر مشرف


-عمل صفحة للمنتدي علي الفيس بوك..ويكون هناك أكثر من أدمن للصفحة ويتم انتقاء المواضيع


-نعمل مواضيع تفاعلية كثيرة...زي كرسي الاعتراف اللي كان شغال ومكنش في تفاعل...ويتم ابلاغ العضو بأن ضيف الموضوع التفاعلي هذا عن طريق البريد الالكتروني..وعندي اقتراح مثلا عمل موضوع(قصتي مع المنتدي) نستضيف فيه كل اسبوع واحد مننا ويحكي قصته مع المنتدي من أول ما اشترك لحد دلوقتي..


-ياريت الاعضاء ادارة المنتدي تتفاعل مع كل المواضيع...


-احتواء المشاكل في المنتدي..وبث روح الاحترام والتعاون بين الادارة...



-عندي اقتراحات تانية في تغيير اسماء بعض الاقسام وحذف بعضها(وأكيد انتم عارفينها)..فالمهم دلوقتي ننهض بالمنتدي شوية

انا عندي امل كبير ان المنتدي يرجع احسن من الاول


معذرة علي التطويل