يسألوني عنك والخاطر تكدر!!
مابغيت اقول ماادري!
راح في دربه حبيبي
مالتفت لي !
راح بدري !
راح واحساسي تبعثر !
وتسألوني وينه عني؟
صمتي ابلغ!
لا كلامي ضاع مني !
يسألوني ياعيوني
عنك واكذب ظنوني !
قلت سافر !
والتفت يمي واناظر !
قلت : راجعلي حبيبي
بعد باكر !
مادروا ان المسافه !
بين قلبي وبين قلبك
وهذا هو اللي كنت اخافه !
المسافه!!!
وتبعد بقلبك حبيبي !
وتنسى حبي وتنسى طيبي
وخارج حدود المسافه
تبتدي فيني ارتجافه
وتنتهي نبضات قلبي
وانتهي ! وكلي حسافه!
ليت ما عنك سألوني !
ولضياعك رجعوني
ليت هم ماذكروني
وفي غرامك علقوني !
من أحس اني سليت
ومن عذاباتي انتهيت
جوني هم وسألوني
عنك ورديت وبكيت !
مادمعت عيني حبيبي
بس قلبي اللي نزف !!
مادروا عنا حبيبي !
وعن هوانا يوم جف !!
وابتدي حيث انتهيت
واعزف الذكرى قصيد !
واكتب حروفي واعيد !
وارسمك في كل طيف !
وارجع امحي من جديد!
وانتهي حيث ابتديت !
والله حاااله !
قربي منك استحاله
وبعدي عنك استحاله !
ع العموم اسمع حبيبي:
ودي تعرف ان قدرك
داخل ضلوعي كبير
واني كلي تحت أمرك
وادري لك ماهو كثير!
لانك بقلبي وبعيوني سكنت
ومستحيل انسى عيونك
أو أفكر يوم اخونك !
رغم !!
رغم !!
رغم إنك .. لهوانا اليوم خنت !
ودام بالحب ابتديت
أنا بالحب انتهيت !...
الله لايفرقنا ياحبيبي...
الله لايحرمني منك يانظر عيني...
الله لا يبعدنا وتطول المسافات بينا يا روح قلبي...