زمان الاخ داروين اكتشف نظرية النشوء" مش النشوء بتاعنا اللي بيتشم" وحاول يقنع العالم كله ان الانسان اصله قرد.
وهو ما ثبت كذبه في اكثر من مناسبة واثبتت ايضا في القرأن الكريم.
ما علينا ............
تفتكروا انا ليه بقول ان الا نسان المصري اصله جلدة حنفية ؟!!!!!!
اقولكم ان ليه لان الانسان المصري من اكثر الناس قدرة على الكلام المتواصل دون ان "يفصل " على الفاضي والمليان وبسبب وبدون سبب في الشغل وفي البيت ويكمل في التيليفون واهو خير وبركة العروض بتاعة شركات المحمول خلت الناستتكلم اكتر مش توفر.
فأصبحنا من كتر لكلام وقلة العمل شعب استهلاكي من الدرجة الاولى .
وده ببساطة لاننا معندناش وقت ننتج عشان الكلام والرغي واخد من وقتنا كتير.
وهتقولولي ايه علاقة جلدة الحنفية بالكلام .
الاجابة واضحة لاننا طول الوقت بنخرررررر يا أما بنقط كلاااااااااااااااام.
دعوة لكل صاحب عقل اتقي الله في لسانك واعرف متى تتكلم ومتى تصمت وسبب نهضة شعوب العالم من حولنا انهم فعلا يعملون في صمت .
وقال رسول الله صلى الله عليه وسلم " من كان يؤمن بالله واليوم الاخر فليقل خيرا او ليصمت" صدق رسول الله صلى الله عليه وسلم.
ومعلش اعذروني انا لازم اخلص لاني محتاج اغير جلدة الحنفية لاني رغيت كتير و عايز اركب بدل تالف عشان اقدر ارغي بقية اليوم.
سلاااااااااااااااااااااااااااااااااااااااام الله عليكم جميعا